റെഡ്മി നോട്ട് 11 ശ്രേണിയിലെ ആദ്യ ഫോൺ, റെഡ്മി നോട്ട് 11T 5ജി അടുത്തിടെയാണ് ഇന്ത്യൻ വിപണിയിലെത്തിയത്. റിയൽമി 8s 5ജി, ഐക്യൂ Z3, ലാവ അഗ്നി 5ജി എന്നീ സ്മാർട്ട്ഫോണുകളോട് കൊമ്പുകോർക്കാൻ അവതരിപ്പിച്ചിരിക്കുന്ന റെഡ്മി നോട്ട് 11T 5ജിയുടെ വില്പന ഈ മാസം 7 മുതൽ 7 മുതൽ ആമസോൺ, എംഐ.കോം, എംഐ ഹോം, പ്രമുഖ റീറ്റെയ്ൽ സ്റ്റോറുകളൂടെയാണ് ക്രമീകരിച്ചിരിക്കുന്നത്. റെഡ്മി നോട്ട് 11T 5ജി വാങ്ങാൻ നിങ്ങൾക്ക് പ്ലാനുണ്ടോ? എങ്കിൽ പുത്തൻ ഫോൺ വാങ്ങുന്നതിന് മുൻപ് നിങ്ങളറിയേണ്ട 10 കാര്യങ്ങൾ ചുവടെ ചേർക്കുന്നു.
1. 6 ജിബി റാമും 64 ജിബി സ്റ്റോറേജുമുള്ള വേരിയന്റിന് 16,999 രൂപയും, 6 ജിബി റാം + 128 ജിബി സ്റ്റോറേജ് പതിപ്പിന് 17,999 രൂപയും, 8 ജിബി റാം + 128 ജിബി സ്റ്റോറേജ് പതിപ്പിന് 19,999 രൂപയുമാണ് റെഡ്മി നോട്ട് 11T 5ജിയുടെ വില.
2. അക്വാമറൈൻ ബ്ലൂ, മാറ്റ് ബ്ലാക്ക്, സ്റ്റാർഡസ്റ്റ് വൈറ്റ് നിറങ്ങളിൽ റെഡ്മി നോട്ട് 11T 5ജി വാങ്ങാം.
3. ആൻഡ്രോയിഡ് 11 അടിസ്ഥാനമായ MIUI 12.5ലാണ് റെഡ്മി നോട്ട് 11T 5ജി പ്രവർത്തിക്കുന്നത്.
4. 20:9 ആസ്പെക്ട് റേഷ്യോയും, 90Hz അഡാപ്റ്റീവ് റിഫ്രഷ് റേറ്റുമുള്ള 6.6 ഇഞ്ച് ഫുൾ-എച്ച്ഡി+ (1,080×2,400 പിക്സലുകൾ) ഡിസ്‌പ്ലേയാണ് റെഡ്മി നോട്ട് 11T 5ജിയ്ക്ക്. ഡിസ്‌പ്ലേയ്ക്ക് കോർണിംഗ് ഗൊറില്ല ഗ്ലാസ് സംരക്ഷണമുണ്ട്.
5. മീഡിയടെക് ഡൈമൻസിറ്റി 810 SoC പ്രോസസ്സർ 8GB വരെ LPDDR4X റാമുമായി ചേർന്നാണ് റെഡ്മി നോട്ട് 11T 5ജിയിൽ പ്രവർത്തിക്കുന്നത്. മൾട്ടിടാസ്കിംഗിനായി 3 ജിബി വരെ അധിക റാം ചേർക്കുന്നതിന് ഫോണിലെ ബിൽറ്റ്-ഇൻ സ്റ്റോറേജ് ഉപയോഗിക്കുന്ന ഒരു റാം ബൂസ്റ്റർ സവിശേഷതയും ഷഓമി ക്രമീകരിച്ചിട്ടുണ്ട്.
6. 8 മെഗാപിക്സൽ അൾട്രാ വൈഡ് ഷൂട്ടറിനൊപ്പം എഫ്/1.8 ലെൻസുള്ള 50 മെഗാപിക്സൽ പ്രൈമറി സെൻസറും ഉൾക്കൊള്ളുന്ന ഡ്യുവൽ റിയർ ക്യാമറയാണ് റെഡ്മി നോട്ട് 11T 5ജിയിൽ. സെൽഫികൾക്കും വീഡിയോ ചാറ്റുകൾക്കുമായി, 16-മെഗാപിക്സൽ സെൽഫി ക്യാമറയുമുണ്ട്.
7. 33W പ്രോ ഫാസ്റ്റ് ചാർജിംഗിനെ പിന്തുണയ്ക്കുന്ന 5,000mAh ബാറ്ററിയാണ് ഫോണിൽ പായ്ക്ക് ചെയ്തിരിക്കുന്നത്.
8. 5ജി, 4ജി എൽടിഇ, വൈ-ഫൈ, ബ്ലൂടൂത്ത് v5.1, ജിപിഎസ്/എ-ജിപിഎസ്, ഇൻഫ്രാറെഡ് (IR), യുഎസ്ബി ടൈപ്പ്-സി, 3.5mm ഹെഡ്‌ഫോൺ ജാക്ക് എന്നിവയാണ് കണക്റ്റിവിറ്റി ഓപ്ഷനുകൾ.
